Дональд Трамп АҚШ ракета зарбаси оқибатида Бағдодда ўлдирилган эронлик генерал Қосим Сулаймонийни жаҳондаги биринчи рақамли террорчи деб атади. Трампнинг ушбу баёноти Оқ уйнинг Twitter’даги саҳифасида эълон қилинган.
АҚШ президентининг сўзларига кўра, Эрон Ислом инқилоби муҳофизлари корпуси (ИИМК)нинг «Ал-Қудс» махсус бўлинмаси қўмондони бўлган Сулаймоний америкаликларга — ҳар ҳарбийлар, ҳам оддий фуқароларга қарши қаратилган террорчилик ҳаракатларини уюштирган.
Трампнинг аниқлик киритишича, америкаликлар Эрондаги тузумни алмаштиришга уринаётгани йўқ, бироқ Теҳроннинг Яқин Шарқдаги тажовузи тўхташи керак. «Биз уруш бошлаш учун эмас, балки унинг олдини олиш учун чора кўрдик», — деган Трамп.
Ўз навбатида, Эроннинг БМТдаги доимий вакили мажид Тахт-Равончи CNN мухбири билан суҳбатда АҚШнинг ҳаракатларини «уруш эълон қилиш» деб баҳолади. «Бўлган бу воқеага жим қараб тура олмаймиз. Ўч оламиз, қаттиқ ўч оламиз», — деди у.
Дональд Трамп бундан аввал ИШИД террорчилик ташкилоти етакчиси Абу Бакр ал-Бағдодийни биринчи рақамли террорчи деб атаган эди. У 2019 йил октябрида, АҚШнинг Суриядаги махсус операцияси натижасида йўқ қилинган эди.
Изоҳ (0)