Ҳамма болалар ҳам қорда чана учиб, қорбўрон ўйнашни ёқтирса керак. Финландиядаги мактаб ўқувчилари учун қорда бу каби ишларни бажариш одатий ҳаёт тарзига айланган. Ўғил болалари ва қизлар қишки совуқ об-ҳаво вақтида касалликлар туфайли эълон қилинадиган карантин нималигини билмайди ва мактабга музли йўллардан ўтиб велосипедда қатнайди.
Қуйида болакайларнинг икки ғилдиракли механик тулпорларида совуқ шамол ва изғиринни енгиб, билим маскани сари олға бораётгани билан танишиш мумкин.
Велосипедчи ўқувчилар ёмғирли об-ҳавода икки ғилдиракли дўстларининг хизматидан фойдаланмайди, музлаган йўлларда «велик учишга» ҳам унча-мунча жасоратли ўқувчининг қурби келмайди. Бундай ҳолатда кўпинча илиқ баҳор кунларининг келиши кутилади. Бироқ Финландиядаги шаҳарда яшовчи болалар эса аксинча, қишли қировли кунларда ҳам велосипедларидан фойдаланишда давом этади.
Маҳаллий аҳоли вакили Пекка Тахколо — Оулу шаҳридаги Navico корхонасининг велосипедлар бўйича координатори. У мактаб олдидаги велосипедлар қўйиш майдончасини суратга олган, бу вақтда эса ҳаво ҳарорати 17 даража совуқ. Муҳандис ушбу сурат орқали ҳар қандай оғир табиат шароитида ҳам болаларнигн икки ғилдиракли уловларидан воз кечмасликларини кўрсатишга уринган.
Ким учундир ота-оналарнинг фарзандларига шаҳар кўчаларида велосипедда сирпанчиқ учиб ҳаракатланишига рухсат бергани ғалати туюлиши мумкин, аммо Финландиядагилар учун бу одатий ҳол.
«Биз Финландия жанубидан келган меҳмонлар учун таништирув турини ўтказдик ва уларга мактаблардаги велосипедлар ҳаракати ҳақида тушунтириб бердик», — деб ҳикоя қилган Пекка Тахкола.
Ушбу суратлар Twitter’да тарқалгач, интернетдаги фойдаланувчиларда ҳайрат ва вазиятни тушунмаслик ҳолатлари кузатилди.
«Бу ғайритабиий ҳолат. Ҳамма финларнинг мутацияга учраб қонига антифриз қўшилган ҳолда туғилишини яхши билади»,— дея ҳазиллашган фойдаланувчилардан бири.
Кўпчилик одамлар ушбу ғояни қўллаб-қувватлаб, Финландияда велосипедларнинг йўл ҳаракатининг муҳим бўлагига айланганини тан олмоқда. Кўпчилик ўз мамлакатида ҳам икки ғилдиракли тулпорлардан шундай самарали фойдаланилиши тарафдори бўлмоқда.
Обуначилар мактабларда велосипедларнинг қулфланмай ташлаб кетилаётганидан ҳам ҳайратланган. Бу ҳолат Финландиядаги ушбу шаҳарда ўғрилик даражасининг тушгани ва ҳамшаҳарларнинг бир-бирига ишончи кучли эканлигидан далолат бермоқда.
Қиш ўртасида чанғи ушлаган болаларни кўриб ҳайратланмайсиз, лекин ўқувчиларнинг велосипедлар миниб қорли тепаликларда сирпанчиқ учиши ноодатий ҳолат. Умуман олганда, шимолда яшайдиган финландияликлар учун бу кутилмаган янгилик эмас. Ҳар бир мамлакат ўз ритмига хос тарзда яшайди, халқ табиат ҳамда аждодлардан мерос маданият меъёрларига бўйсунади.
Қорли об-ҳавода велосипедда сайр қилганмисиз?
Изоҳ (0)