Hamma bolalar ham qorda chana uchib, qorbo‘ron o‘ynashni yoqtirsa kerak. Finlandiyadagi maktab o‘quvchilari uchun qorda bu kabi ishlarni bajarish odatiy hayot tarziga aylangan. O‘g‘il bolalari va qizlar qishki sovuq ob-havo vaqtida kasalliklar tufayli e’lon qilinadigan karantin nimaligini bilmaydi va maktabga muzli yo‘llardan o‘tib velosipedda qatnaydi.
Quyida bolakaylarning ikki g‘ildirakli mexanik tulporlarida sovuq shamol va izg‘irinni yengib, bilim maskani sari olg‘a borayotgani bilan tanishish mumkin.
Velosipedchi o‘quvchilar yomg‘irli ob-havoda ikki g‘ildirakli do‘stlarining xizmatidan foydalanmaydi, muzlagan yo‘llarda “velik uchishga” ham uncha-muncha jasoratli o‘quvchining qurbi kelmaydi. Bunday holatda ko‘pincha iliq bahor kunlarining kelishi kutiladi. Biroq Finlandiyadagi shaharda yashovchi bolalar esa aksincha, qishli qirovli kunlarda ham velosipedlaridan foydalanishda davom etadi.
Mahalliy aholi vakili Pekka Taxkolo — Oulu shahridagi Navico korxonasining velosipedlar bo‘yicha koordinatori. U maktab oldidagi velosipedlar qo‘yish maydonchasini suratga olgan, bu vaqtda esa havo harorati 17 daraja sovuq. Muhandis ushbu surat orqali har qanday og‘ir tabiat sharoitida ham bolalarnign ikki g‘ildirakli ulovlaridan voz kechmasliklarini ko‘rsatishga uringan.
Kim uchundir ota-onalarning farzandlariga shahar ko‘chalarida velosipedda sirpanchiq uchib harakatlanishiga ruxsat bergani g‘alati tuyulishi mumkin, ammo Finlandiyadagilar uchun bu odatiy hol.
“Biz Finlandiya janubidan kelgan mehmonlar uchun tanishtiruv turini o‘tkazdik va ularga maktablardagi velosipedlar harakati haqida tushuntirib berdik”, — deb hikoya qilgan Pekka Taxkola.
Ushbu suratlar Twitter’da tarqalgach, internetdagi foydalanuvchilarda hayrat va vaziyatni tushunmaslik holatlari kuzatildi.
“Bu g‘ayritabiiy holat. Hamma finlarning mutatsiyaga uchrab qoniga antifriz qo‘shilgan holda tug‘ilishini yaxshi biladi”,— deya hazillashgan foydalanuvchilardan biri.
Ko‘pchilik odamlar ushbu g‘oyani qo‘llab-quvvatlab, Finlandiyada velosipedlarning yo‘l harakatining muhim bo‘lagiga aylanganini tan olmoqda. Ko‘pchilik o‘z mamlakatida ham ikki g‘ildirakli tulporlardan shunday samarali foydalanilishi tarafdori bo‘lmoqda.
Obunachilar maktablarda velosipedlarning qulflanmay tashlab ketilayotganidan ham hayratlangan. Bu holat Finlandiyadagi ushbu shaharda o‘g‘rilik darajasining tushgani va hamshaharlarning bir-biriga ishonchi kuchli ekanligidan dalolat bermoqda.
Qish o‘rtasida chang‘i ushlagan bolalarni ko‘rib hayratlanmaysiz, lekin o‘quvchilarning velosipedlar minib qorli tepaliklarda sirpanchiq uchishi noodatiy holat. Umuman olganda, shimolda yashaydigan finlandiyaliklar uchun bu kutilmagan yangilik emas. Har bir mamlakat o‘z ritmiga xos tarzda yashaydi, xalq tabiat hamda ajdodlardan meros madaniyat me’yorlariga bo‘ysunadi.
Qorli ob-havoda velosipedda sayr qilganmisiz?
Izoh (0)