Владимир Путин 29 декабрь куни АҚШ етакчиси Дональд Трамп билан телефон орқали мулоқотда бўлди. Бу ҳақда Россия президенти матбуот хизмати маълум қилди.
Суҳбат давомида Россия президенти америкалик ҳамкасбини махсус хизматлар йўналишида етказилган ва мамлакатда терактлар амалга оширилишини бартараф этишда кўмак берган маълумот учун миннатдорлик билдирди.
Путин ва Трамп терроризмга қарши кураш борасида икки томонлама ҳамкорликни давом эттиришга келишиб олди.
Россия Федерал хавфсизлик хизмати шундан сўнг Санкт-Петербургда Янги йил байрами кунлари одамлар гавжум жойларда теракт уюштиришни режалаштиришда гумон қилинган 2 нафар россиялик қўлга олинганини эълон қилди. Уларга нисбатан жиноят иши қўзғатилган.
Изоҳ (0)