«Ювентус» ва Португалия терма жамоаси ҳужумчиси Криштиану Роналду 2019 йилда Instagram’даги аккаунти орқали ҳаммадан кўп даромад кўрди. У Buzz Bingo компанияси томонидан тузилган ижтимоий тармоқнинг энг бой юлдузлари рейтингини бошқармоқда. Бу ҳақда The Sun хабар берди.
Хабарга кўра, португалиялик спортчи 38,2 миллион фунт стерлинг даромад кўрган. Таҳлилчиларнинг баҳолашича, КриРо битта ҳомийлик постидан тахминан 780 минг фунт стерлинг маблағ ишлаган.
Иккинчи ўринни 2019 йилда «Олтин тўп»ни қўлга киритган аргентиналик Лионель Месси эгаллади. 2019 йилда Instagram’да қўйилган ҳомийлик постлари унга 18,7 миллион фунт даромад келтирган.
Учликни америкалик супермодель Кендал Женнер якунлаб берган. У йил давомида ижтимоий тармоқ орқали 12,7 миллион фунт ишлаб топган.
Шунингдек Instagram’нинг энг бой юлдузлари қаторига собиқ футболчи Дэвид Бекхэм ва «ПСЖ» форварди Неймар, қўшиқчи Селена Гомес, модель Кайли Женнер ва унинг опаси Хлоя Кардашян ҳам кирган.
Мавзуга доир:
Изоҳ (0)