Россиянинг Подмосковя вилояти Клинск шаҳар округида яшовчи эркак петарда портлаши оқибатида ҳалок бўлди. Бу ҳақда «Москва» агентлиги хабар берган.
Тергов маълумотларига кўра, 28 декабрь оқшомида 33 ёшли Клинскда яшовчи эркак дўстлари билан бирга ичкиликбозлик қилиш чоғида фейерверк ва петардаларни ёққан. У оғзидаги сигарет учидаги чўғ билан учинчи петардани ёққан вақтида атроф қаттиқ гумбурлаган ва эркак ерга қулаган. Ҳодиса гувоҳи бўлганлар қурбоннинг юзи ва бошида куйиш белгилари қолганини билдирган. Воқеа жойига тез тиббий ёрдам чақирилган.
Шифокорлар етиб келганида эркак аллақачон ҳалок бўлганди. Қурбоннинг қариндошлари унинг интернет-дўкон орқали бир йил аввал петарда харид қилганини айтган.
«Гувоҳлар эркакнинг петардани ўзи ёққанми ёки пиротехника воситаси сигарет чўғидан аланга олгани борасида аниқ фикр айта олмаган. Суриштирув ишлар давом этмоқда», — дейди тергов вакили Врадий.
Ноябрь ойида Владивостокда яшайдиган аёл қўлида петарда портлаши оқибатида бармоғидан айрилган. 61 ёшли аёл ҳовлида тозалаш ишлари олиб бораётган вақтида устига «Ҳеллоуин билан» деб ёзилган пакет топиб олган, якунда у портлаган.
Изоҳ (0)