Вазирлар Маҳкамасининг «Ахборот-кутубхона муассасаларини ривожлантириш жамғармаси маблағларини шакллантириш ва улардан фойдаланиш тартиби тўғрисидаги низомга ўзгартириш киритиш ҳақида»ги қарори қабул қилинди.
Ҳужжатга кўра, ҳукуматнинг 2012 йил 4 апрелдаги 98-сон қарори билан тасдиқланган Ахборот-кутубхона муассасаларини ривожлантириш жамғармаси маблағларини шакллантириш ва улардан фойдаланиш тартиби тўғрисидаги низомнинг 3-банди иккинчи хатбошидаги «5» рақами «2» рақами билан алмаштирилди яъни, Ахборот-коммуникация технологияларини ривожлантириш жамғармасига тушувчи маблағлар суммасидан Ахборот-кутубхона муассасаларини ривожлантириш жамғармасига ажратма миқдори 5 фоиздан 2 фоизгача туширилди.
Шунингдек, қуйидагилар жамғарма маблағларини шакллантириш манбалари ҳисобланади:
- халқаро молиявий институтлар ва бошқа хорижий донорларнинг Миллий кутубхона томонидан жалб этиладиган имтиёзли кредитлари ва грантлари, хайр-эҳсон қилувчиларнинг маблағлари;
- Жамғарманинг вақтинча бўш маблағларини жойлаштиришдан олинадиган даромадлар;
- қонун ҳужжатларида тақиқланмаган бошқа тушумлар.
Изоҳ (0)