Ўзбекистонда 2020 йил 1 апрелдан бошлаб фақат микронутриентлар билан бойитилган биринчи нав ун ва ош тузи импортига рухсат берилади. Бу ҳақда ҳукуматнинг тегишли қарори қабул қилинди, дея хабар беради Spot.
Ҳозирда микронутриентлар билан бойитилган ун ишлаб чиқариладиган ва импорт қилинадиган барча навлардаги уннинг 30 фоизини ташкил этмоқда.
Бундай унни аҳолининг 56 фоизи истеъмол қилмоқда. Камқонлик профилктикасини таъминлаш учун аҳолининг 90 фоизини қамраб олиш талаб этилади.
Маълумот учун, Ўзбекистонда 2011 йил 1 январдан биринчи нав ун ва ош тузи фақат микронутриентлар билан бойитилган ҳолда ишлаб чиқарилмоқда.
Изоҳ (0)