Ўзбекистон атом электростанцияси учун жой танлашда қўшни мамлакатлар билан ҳам келишган. Бу ҳақда Ўзбекистон ташқи ишлар вазирининг биринчи ўринбосари Илҳом Неъматов «РИА Новости»га берган интервьюсида маълум қилди.
Илҳом Неъматовнинг сўзларига кўра, АЭС учун жой узоқ вақт давомида изланган, чунки жойни танлашда қўшни мамлакатлар билан ҳам уларга қулай ва манфаатли бўлиши учун келишиш керак бўлган.
ТИВ раҳбари ўринбосарининг қайд этишича, Ўзбекистонда саноат ва иқтисодиёт ўсмоқда. Аҳоли эса йилига 700 минг кишига кўпаймоқда ва электр энергиясига бўлган талаб ҳам ўз-ўзидан ортмоқда. Электр энергиясининг фақат 10 фоизи АЭСда ишлаб чиқарилади. 90 фоизи эса ИЭСларда ишлаб чиқарилади.
Неъматовнинг сўзларига кўра, ИЭСларда қимматли газ ва жуда катта маблағ сарф қилинади. АЭС ишга туширилганда эса арзон электр энергияси пайдо бўлади. Шу орқали жуда катта миқдорда газ тежалади.
Изоҳ (0)