Бразилия президенти Жаир Болсонару 23 декабрь куни ўз қароргоҳида йиқилиб тушганидан сўнг бир муддат хотирасидан айрилганини маълум қилди, деб ёзади «ТАСС».
«Ёшимиз ўтгани сайин биз болага ўхшаб қоламиз. Кеча мен ростдан ҳам сирпаниб кетиб йиқилиб тушдим, хотирамни йўқотдим, лекин Худога шукур, ҳаммаси ўтиб кетди», — дейди Болсонару.
Маълумот учун, 23 декабрь куни кечки пайт Болсонару қароргоҳидаги ваннахонада боши билан йиқилиб тушган ҳамда зудлик билан шифохонага ётқизилган эди.
«Мен орқам билан йиқилдим, кучли зарб едим», — дейди президент.
Унинг сўзларига кўра, хотиранинг йўқолиш ҳолати вақтинча кузатилган.
«Бугун эрталаб хотирам секин-аста тикланди. Масалан, кеча нима билан шуғулланганимни эслай олмаётгандим», — дейди сешанба куни касалхонадан чиққан Болсонару.
Шифокорлар президентга бир неча кун дам олишни тайинлаганига қарамай Болсонару касалхонадан чиқиши билан бир неча учрашувларда иштирок этган.
Изоҳ (0)