АҚШ президенти Дональд Трампнинг импичменти бўйича овоз бериш Демократлар партияси аъзолари ўтказаётган текширув якунланганини англатмайди. Аксинча, улар сенатда истеъфо ҳақидаги масала муҳокама қилинганда Трампга қўшимча айбловларни эълон қилишни режалаштирмоқда. Бу ҳақда «РБК» хабар берди.
Демократлар шу мақсадда ҳозиргача Вакиллар палатасининг ҳуқуқий масалалар бўйича қўмитаси йиғилишига келишдан бош тортаётган президентнинг собиқ маслаҳатчиси Дон Макганни сўроқ қилмоқчи.
У Трамп томонидан прокурор Роберт Мюллер бошқарган Россиянинг АҚШдаги сайловларга аралашуви бўйича комиссия фаолиятига тўсқинлик қилиниши юзасидан муҳим гувоҳ ҳисобланади.
Хусусан, Макганнинг Трамп чиндан ҳам унга Мюллер лавозимидан озод этилишига эришиши ҳақида кўрсатма бергани муҳим далил бўла оларди. Президентнинг ўзи бу айбловларни буткул рад этмоқда.
Изоҳ (0)