Тошкент ва Хитойнинг Ченду шаҳри ўртасида 28 декабрдан бошлаб чартер авиақатновлар йўлга қўйилади. Бу ҳақда Хитойнинг Ханчжоу шаҳрида Ўзбекитон Туризмни ривожлантириш давлат қўмитаси ва Loong Air авиакомпанияси ўртасида меморандум имзолаш маросимида маълум қилинди.
Меморандумда Хитойдан Ўзбекитонга парвозлар сонини ошириш, парвозлар сифатли ва туризм салоҳиятини янада кенгайтириш каби масалалар белгиланган. Маълумотларга кўра, яқин истиқболда Хитой шаҳарларидан Ўзбекистонга авиапарвозлар сонини ҳафтасига 4 тадан 15 тагача оширилади.
«Дарё» мухбири Мусулмонбек Иброҳимовнинг қўшимча қилишича, Loong Air нафақат Ченду, балки Ханчжоу ва Шэньчжэнь шаҳарларидан ҳам Ўзбекистонга парвозларни йўлга қўйишни мақсад қилган.
Маълумот учун, Loong Air авиапаркида 46 та замонавий самолёт бўлиб, шундан учтаси Boeing 737, қолган 43 таси эса Airbus 320 ҳаво кемаларидир. Бугунги кунда авиакомпания томонидан Жанубий-Шарқий Осиё мамлакатлари, Япония ва Ўзбекистонга парвозлар амалга оширилмоқда.
Қайд этиш жоиз, 2020 йил 1 январидан Хитой фуқаролари Ўзбекистонда етти кун давомида визасиз бўлишлари мумкин.
Изоҳ (0)