«Ўзбекистон темир йўллари» компанияси томонидан Қамчиқ довони йўналишидан фойдаланадиган барча йўловчиларга қулайлик яратиш мақсадида 21 декабрь куни яна битта қўшимча поезд қатнови йўлга қўйилди.
62/61-сонли «Тошкент—Қўқон—Тошкент» йўналишида ҳаракатланадиган қўшимча поезд 21 декабрь куни соат 22:40 да Тошкент Жанубий вокзалидан жўнаб, 22 декабрга ўтар кечаси соат 03:17 да Қўқон вокзалига етиб боради.
22 декабрь куни тонгги соат 04:05 да эса мазкур поезд «Қўқон—Тошкент» йўналишида ҳаракатланади ва шу куни соат 08:55 да Тошкент Жанубий вокзалига кириб келади.
Қайд этишларича, ушбу қўшимча поездлар «Тошкент—Андижон—Тошкент» йўналишидаги мавжуд йўловчи поездлар ҳаракат жадвалига таъсир этмайди. Аввалроқ «Тошкент—Ангрен—Орзу—Поп—Тошкент» йўналишида вақтинчалик қўшимча поезд қатнови йўлга қўйилгани ҳақида хабар берилган эди.
Изоҳ (0)