Apple компанияси интернет-сервисларнинг тўғридан тўғри симсиз қурилмалар билан уланиш имконини берувчи сунъий йўлдош технологияси устида ишлайдиган махфий жамоани тузди, деб хабар беради Bloomberg.
Калифорниянинг Купертино шаҳрида мазкур лойиҳа устида ўнга яқин одам ишламоқда: аэрокосмик соҳанинг муҳандислари, шунингдек, сунъий йўлдош ва антенналарни яратиш билан шуғулланган мутахассислар. Уларнинг иши беш йил ичида ўз натижасини кўрсатиши режалаштирилган. Бироқ лойиҳа ҳали бошланғич нуқтада бўлиб, исталган вақтда ёпиб қўйилиши мумкин. Ҳозирча компания бу борада аниқ бир йўналишга эга эмас.
Bloomberg’нинг таъкидлашича, Apple бу орқали ўзининг алоқа операторларга бўлган боғлиқлигини камайтириш ёки анъанавий тармоқдан фойдаланмай қурилмаларга уланишни ният қилган. Бундан ташқари компания сунъий йўлдош технологияларидан ўз қурилмаларининг қаерда жойлашганини янада аниқроқ билиб олиш имкониятига эга бўлади: бу хариталар ишини яхшилайди ва янги функцияларни тақдим этади.
Компания тақалган ушбу хабарларга изоҳ беришни истамаган.
Изоҳ (0)