Калифорния штатида ҳайдовчисиз автомобилларда маҳсулотларни етказиб беришга рухсат этилди. 2020 йил январь ойи ўрталаридан бошлаб компаниялар бундай ҳайдовчили ва ҳайдовчисиз бошқариладиган машиналарни, шунингдек улар орқали етказиб бериш учун тўловларни қабул қилишни синовдан ўтказади. Бу ҳақда «Dmv.ca.gov» хабар берди.
Кўплаб компаниялар одамлар узоғини яқин қилиш бўйича ҳайдовчисиз таксиларни тест қилмоқда. Жўнатмани етказиб берувчи машиналар икки хил бўлади: робот-элтиб берувчилар ҳамда катта бўлмаган ҳайдовчисиз автомобиллар. Биринчи турга мансуб етказиб берувчилар кичик жўнатмаларни ташийди ва пиёдалар йўлагида ҳаракатланади. Иккинчи турдаги ҳайдовчисиз машиналар яқин атрофдаги дўкондан маҳсулотларни келтириб берадиган кичик йўлларда ишлайди.
Иккинчи турдаги тўлиқ ҳайдовчисиз ишлаб етказиб берувчи автомобиллар компанияларга катта даромад келтириши мумкин, бироқ уларнинг ривожланиши секин суръатларда кечади ва барча фойдаланадиган умумий йўлларда бундай автомобиллар ва роботларни синовдан ўтказишнинг имкони бўлмайди. Калифорния автотранспорт департаменти штат йўлларида ҳайдовчисиз автомобилларни синовдан ўтказиш ва ишга тушириш қоидаларига ўзгартириш киритган. Энди компанийларга қонуний равишда йўлларда автоматик равишда почта жўнатмаларини етказиб беришга рухсат этилади.
Мавзуга доир: Берлинда ҳайдовчисиз микроавтобус қатнови йўлга қўйилди
Бир нечта компания Америка йўлларида ҳайдовчисиз элтиб берувчиларни синовдан ўтказмоқда, бироқ бу тестлар Калифорнияга тааллуқли эмас. Масалан, Нуро Техас штатидаги Хьюстонда мижозларга пицца етказиб беради. Компания ҳайдовчи кабинаси, йўловчилар салонига эга бўлмаган ўз ихчам автомобилида хизмат кўрсатади.
Изоҳ (0)