Наримон Умаров: Дорилар рекламасини тақиқлаш керак, бу дориларни ичиб одамлар вафот этмоқда (видео)

«Адолат» СДП раиси Наримон Умаров «Дебатдан сўнг» кўрсатувида иштирок этди. Кўрсатувда Умаров дорилар бизнесга айланиб қолганини танқид остига олди.

«Дорихоналар фақат клиника, поликлиникаларда бўлиши, оддий дорилардан ташқари барча дорилар рецепт асосида берилиши, дориларнинг рекламасини тақиқлаш керак. Бу дориларни ичиб вафот этаётганлар бор», — деди Умаров.

«Агарда парламентда биринчи ўринни оладиган бўлсак, курашамиз, ваъдаларимизни бажаролмасак истеъфога чиқамиз», — деди «Адолат» СДП раиси.

Унинг фикрича, парламентда кўп овоз олишга партиянинг салоҳияти етарли.

Наримон Умаров, шунингдек, ЎзЛиДеПни асосий рақобатчи деб ҳисоблашини билдирди.

«Адолат» СДП раиси партияларнинг тиббий суғурта давлат ҳисобидан бўлиши тўғрисидаги фикрларини танқид қилди.

«Давлатнинг маблағи соғлиқни сақлашга кетмоқда. Пул етмаётганлигидан тиббий суғурта қиламиз деяпмиз. Партиялар хомхаёл билан юрибди», — деди у.

Умаров бошқарув тизими жудаям марказлашганини, буни вилоятларга бериш кераклигини айтди. Унинг сўзларига кўра, ‘Обод маҳалла’ ташаббуси жудаям яхши, лекин охиригача етказилмаяпти. Маҳаллий ижрочи органлар устидан назорат бўлиши керак», — деди Наримон Умаров.

https://www.facebook.com/qobuljon.аҳмедов/видеос/2739369739493491/