Қозоғистоннинг Ақсу шаҳри яқинида Lacetti билан йўлда қолиб кетган ўзбекистонликлар қутқарилди. Бу ҳақда Kazinform хабар берди.
Маълум қилинишича, 19 декабрь, пайшанба куни соат 17:58 да Қизилўрда—Павлодар автотрассасининг 1383-километрида Россиянинг Чита шаҳридан Ўзбекистоннинг Қашқадарё вилоятига бораётган Lacetti автомобили бузилиб, йўлда қолиб кетган. Салонда тўрт нафар Ўзбекистон фуқароси бўлган.
Йўловчилар Қозоғистон Фавқулодда вазиятлар департаменти ходимлари томонидан Қалқаман қишлоғида жойлашган мактаб биносидаги исиниш пунктига эвакуация қилинган. Уларга иссиқ чой берилиб, дам олиш таклиф қилинган.
Йўловчилар шифокор кўригидан ўтказилган. Йўловчилар ва ҳайдовчининг тиббий ёрдамга муҳтож эмаслиги аниқланган.
Изоҳ (0)