Бугунги кунда Ўзбекистон ички ишлар органлари тизимида хизмат қилаётган ходимларнинг 8,5 фоизини хотин-қизлар ташкил этади. Бу ҳақда 19 декабрь, пайшанба куни Ахборот ва оммавий коммуникациялар агентлигида «Ички ишлар органларида кадрларни тайёрлаш, қайта тайёрлаш ва малакасини ошириш фаолияти» мавзусида бўлиб ўтган матбуот анжуманида маълум қилинди.
ИИВ Кадрлар бош бошқармасининг маълум қилишича, ички ишлар органлари хизматига қабул қилишда, шунингдек, ички ишлар органларида хизмат ўташ жараёнида хотин-қизларга эркаклар билан бир қаторда тенг ҳуқуқлилик кафолатланади.
Қайд этилишича, ички ишлар органларида хотин-қизларга ўз хизмат вазифасини бажаришда, соғлиқни сақлаш, таълим олиш соҳаларида ва бошқа соҳаларда тенг ҳуқуқ ҳамда имкониятлар таъминланади.
Изоҳ (0)