Ўзбекистон Президенти Шавкат Мирзиёев 20 декабрь, жума куни Россиянинг Санкт-Петербург шаҳрига ташриф буюрди. Бу ҳақда Президент матбуот хизмати хабар берди.
Маълум қилинишича, «Пулково» халқаро аэропортида давлат раҳбарини Ленинград вилояти губернатори Александр Дрозденко ва бошқа расмий шахслар кутиб олди.
Ўзбекистон Президенти Мустақил Давлатлар Ҳамдўстлигига аъзо мамлакатлар раҳбарларининг норасмий учрашувида иштирок этади.
МДҲ мамлакатлари етакчилари кўп томонлама ҳамкорликнинг ҳолати ва уни ривожлантириш истиқболлари юзасидан фикр алмашади.
Таъкидланишича, 2020 йилда Ҳамдўстликда Ўзбекистон раислик қилади.
Изоҳ (0)