УЕФА ташкилоти 2018/19 йилги Европа Чемпионлар Лигаси иштирокчиларига тақсимланган маблағлар миқдорини ошкор қилди.
Чемпионлар Лигасининг 2018/19 йилги мавсуми гуруҳ босқичи, плей-оффи иштирокчилар, шунингдек, УЕФА Суперкубоги қатнашчиларига умумий ҳисобда 1 миллиард 976 миллион евро тўланган. Бу кўрсаткич 2017/18 йилги мавсумда 1 миллиард 412 миллион еврони ташкил қилган.
Энг кўп пулни «Барселона» ишлаб топган: 117,7 миллион евро. Чемпионлар Лигаси ғолиби «Ливерпуль» эса 111,09 миллион еврога эга бўлган. Финалчи «Тоттенҳэм»га эса 101,6 миллион евро насиб этган.
Кейинги ўринларни қуйидаги жамоалар эгаллаган:
- «Ювентус» — 95,5 миллион евро
- «Манчестер Юнайтед» — 93,4 ,миллион евро
- «Манчестер Сити» — 93,2 миллион евро
- ПСЖ — 85,8 миллион евро
- «Атлетико» — 85,6 миллион евро
- «Реал» — 85,3 миллион евро
- «Бавария» — 82,8 миллион евро
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)