8 декабрь куни Ўзбекистоннинг Кувайтдаги элчихонасига 74 ёшли Ўзбекистон фуқароси Ҳ.Н.нинг юрак хуружи билан касалхонага ётқизилгани тўғрисида хабар келиб тушди. Ҳ.Н. умра адо этиш учун Жидда шаҳрига Ал-Кувайт шаҳри орқали йўл олган ва касаллиги туфайли парвоздан қолдирилган, деб хабар беради ТИВ матбуот хизмати.
Вазият элчихона томонидан назоратга олинган эди.
Даволанишдан сўнг Ҳ.Н.нинг ҳолати шифокорлар томонидан қониқарли деб баҳоланган.
«Ташкилий масалаларнинг тезкор ҳал қилиниши туфайли 15 декабрь куни Ўзбекистон фуқароси «Jazeera Airways» авиакомпаниясининг рейси билан Ўзбекистонга омон-эсон қайтиб келди», — дейилади хабарда.
Консуллик-ҳуқуқий департаменти Кувайтда бўлиб турган Ўзбекистон фуқаролари зарур ҳолларда мамлакатнинг Ал-Кувайт шаҳридаги элчихонасига +965-2539-65-15 телефон рақами орқали мурожаат қилишлари мумкинлигини эслатади.
Изоҳ (0)