Қорақалпоғистон Республикаси Нукус шаҳрида Nukus City лойиҳасининг қурилиш ишлари бошланди, деб хабар бермоқда ЎзА.
Шу муносабат билан ўтказилган тадбирда Нукус шаҳар ҳокими вазифасини бажарувчи П.Турешов, қурилиш ташкилотлари раҳбарлари, жамоатчилик вакиллари ва оммавий ахборот воситалари ходимлари иштирок этди.
Нукусда қад ростлаётган Nukus City шаҳарнинг энг сўлим масканларидан бирига айланади.
Мутахассисларнинг таъкидлашича, дастлабки йили 2 та 7 қаватли ва 2 та 16 қаватли уй-жой қурилиши режалаштирилган. Келажакда улар қаторидан бир қанча кўп қаватли тураржойлар ва виллалар, замонавий савдо мажмуалари, меҳмонхоналар, офислар ва бошқа ижтимоий соҳа объектлари ўрин олади.
Шу куннинг ўзида 7 ва 16 қаватли уй-жойнинг тамал тоши қўйилиб, қурилиш ишлари бошлаб юборилди.
Изоҳ (0)