Давоми: «Ҳаммамиз шокдамиз». Қурувчилардан бири Юнусобод метросидаги авария қандай юз берганини сўзлаб берди
Маълум бўлишича, ҳодиса юз берган жойда ишчилар саноқдан ўтказилганда беш киши йўқ эканлиги маълум бўлган. Бедарак йўқолган деб ҳисобланаётган яна бир кишини излаш ишлари давом этмоқда.
Ўзбекистон Президент Шавкат Мирзиёев топшириғига биноан, мазкур ҳодиса оқибатларини бартараф этиш бўйича ҳукумат комиссияси тузилган. Бош вазир ўринбосари Очилбой Раматов раислигидаги мазкур комиссия ҳодиса сабабларини ва оқибатларини ўрганади, ҳодиса оқибатларини зудлик билан бартараф этиш, жабрланганлар ва уларнинг оила аъзоларига ёрдам кўрсатиш чораларини кўради.
ЎзАнинг ёзишича, ўпирилган жойнинг ҳали тўртдан бир қисми ҳам қазиб улгурилмаган.
Фавқулодда вазиятлар вазирлиги, Соғлиқни сақлаш вазирлиги ҳамда бошқа тегишли вазирлик ходимлари қутқарув ишларини давом эттирмоқда
18 декабрь куни соат 10:00 да Юнособод туманида қурилаётган метро йўналишининг қазилаётган туннелида ер ўпирилиши юз берди. Ўзбекистон Фавқулодда вазиятлар вазирлиги ва Соғлиқни сақлаш вазирлиги мазкур ҳодиса бўйича маълумот берди ва ҳодиса ёмғир ёғиши оқибатида тупроқнинг бўшаши сабабли юз бергани маълум қилинди. Ҳодиса оқибатида 250 метр куб тупроқ ўпирилиб тушган.
Аввалроқ ҳодиса юз берган жойда 2 кишининг жасади топилгани маълум бўлган эди. УзРепорт ҳодиса юз берган жойда 20 нафар ишчи бўлгани ҳақида хабар берди.
Изоҳ (0)