Тошкент вилоятининг Зангиота туманида ноқонуний ер савдоси билан шуғулланган ҳокимлик ходими қўлга олинди. Бу ҳақда «Дарё»га Бош прокуратура матбуот хизмати маълум қилди.
Қайд этилишича, 17 декабрь, сешанба куни ҳуқуқни муҳофаза қилувчи органлар ходимлари ҳамкорлигида тезкор тадбир ўтказилган.
Зангиота тумани ҳокимлиги умумий бўлим мудири А.Т. ва «М.Г.С.» МЧЖ раҳбари М.С. ўзаро жиноий тил бириктириб, жамиятга тегишли бўлган Зангиота тумани, «Қатортол» қишлоғи, «Наврўз» массивидаги 2,7 гектар ер майдонининг 0,3 гектарини ноқонуний равишда, фирибгарлик йўли билан фуқаро С.Х.га ҳар бир сотихини 4 мингдан жами 120 минг долларга сотаётган вақтида жиноят устида қўлга олинган.
Ҳолат юзасидан Жиноят кодексининг тегишли моддалари билан жиноят иши қўзғатилиб, ҳозирда тергов ҳаракатлари ўтказилмоқда.
Изоҳ (0)