Ўзбекистон делегациясининг Японияга ташрифи доирасида Тошкент шаҳрининг ҳокими Жаҳонгир Ортиқхўжаев Нагоя шаҳрида шаҳар мэри Такаши Кавамура билан учрашди.
Тошкент шаҳар ҳокимлиги матбуот хизматининг хабар беришича, учрашувда жаноб Такаши Кавамура Ўзбекистондаги самимий ва дўстона қабул учун миннатдорлик билдирди ва Тошкент билан турли соҳаларда ўзаро манфаатли ҳамкорликни олиб боришдан мамнунлигини айтиб ўтди.
Таъкидланишича, мазкур ташриф давомида икки томонлама муносабатларни янги босқичга олиб чиқишга хизмат қиладиган қатор ҳужжатлар имзоланиши кўзда тутилган. Хусусан, Тошкент ва Нагоя ўртасида ўзаро ҳамкорликка оид шартнома имзоланиши режалаштирилган.
Мавзуга доир: Токиода Ўзбекистон—Япония бизнес-форуми бўлиб ўтди
Бундан аввал Шавкат Мирзиёев Япония Бош вазири Синдзо Абэнинг таклифига биноан расмий ташриф билан Японияга жўнаб кетгани ҳақида хабар берилган эди. Президентининг Японияга ташрифи доирасида қиймати 6,5 миллиард долларга тенг бўлган 48 та келишув ва шартнома имзоланиши кутилмоқда.
Изоҳ (0)