O‘zbekiston delegatsiyasining Yaponiyaga tashrifi doirasida Toshkent shahrining hokimi Jahongir Ortiqxo‘jayev Nagoya shahrida shahar meri Takashi Kavamura bilan uchrashdi.
Toshkent shahar hokimligi matbuot xizmatining xabar berishicha, uchrashuvda janob Takashi Kavamura O‘zbekistondagi samimiy va do‘stona qabul uchun minnatdorlik bildirdi va Toshkent bilan turli sohalarda o‘zaro manfaatli hamkorlikni olib borishdan mamnunligini aytib o‘tdi.
Ta’kidlanishicha, mazkur tashrif davomida ikki tomonlama munosabatlarni yangi bosqichga olib chiqishga xizmat qiladigan qator hujjatlar imzolanishi ko‘zda tutilgan. Xususan, Toshkent va Nagoya o‘rtasida o‘zaro hamkorlikka oid shartnoma imzolanishi rejalashtirilgan.
Mavzuga doir: Tokioda O‘zbekiston—Yaponiya biznes-forumi bo‘lib o‘tdi
Bundan avval Shavkat Mirziyoyev Yaponiya Bosh vaziri Sindzo Abening taklifiga binoan rasmiy tashrif bilan Yaponiyaga jo‘nab ketgani haqida xabar berilgan edi. Prezidentining Yaponiyaga tashrifi doirasida qiymati 6,5 milliard dollarga teng bo‘lgan 48 ta kelishuv va shartnoma imzolanishi kutilmoqda.
Izoh (0)