Футбол бўйича Европа Лигасининг гуруҳларда сўнгги тур баҳслари 12 декабрь, пайшанба куни бўлиб ўтди.
«F» гуруҳидан ўрин олган баҳсда Фредрик Юнгберг қўл остидаги Лондоннинг «Арсенал» клуби Бельгияда «Стандард»га қарши майдонга тушди.
Учрашув давомида мезбон жамоа вакиллари Самюуэль Бастьен (47) жамда Салим Амалла (69) томонидан урилган голларга «тўпчилар» Александр Ляказетт (78) ҳамда Букайо Сака (81)нинг голлари билан жавоб қайтарди.
Натижада «Арсенал» меҳмонда кечган баҳсда «Стандард» билан 2:2 ҳисобида дуранг ўйнади ва томонлар бир очкодан бўлишиб олди.
Маълумот учун, Лондон клуби 11 очко жамғарган ҳолда гуруҳда биринчи ўринни эгаллади ва мусобақанинг плей-офф йўлланмасини қўлга киритди. «Стандард» эса 8 очко билан 3-ўринни эгаллади ва мусобақа билан гуруҳ босқичидаёқ ҳайрлашди.
«F» гуруҳидаги ҳолат:
Шу куни Паулу Фонсека бошчилигидаги Римнинг «Рома» клуби ўз майдонида Австриянинг «Вольфсбергер» жамоасини қабул қилди.
Беллашувнинг 7-дақиқасидаёқ Рим клуби ярим ҳимоячиси Диего Перотти пенальтидан рақиб дарвозасини аниқ нишонга олган ҳолда ҳисобни очган бўлса, орадан 3 дақиқа ўтиб италиялик ҳимоячи Алессандро Флоренци ўз дарвозасини ишғол қилиб қўйди (1:1). 19-дақиқага келиб мезбонлар ҳужумчиси Эдин Жеко жамоасини ҳисобда олдинга олиб чиқди (2:1). 63-дақиқада эса меҳмон жамоа аъзоси Шон Вейсман ҳисобни тенглаштирди (2:2).
Шу тариқа «Рома» ўз майдонида «Вольфсбергер» билан 2:2 ҳисобидаги дуранг натижани қайд этди ва бир очкога эга бўлди.
Таъкидлаш керак, римликлар 9 очко тўплаб «J» гуруҳида 2-ўринни қайд этди ва мусобақанинг 1/16 финал босқичига йўл олди. Сўнгги ўриндаги «Вольфсбергер» эса 5 очко йиғди.
«J» гуруҳидаги ҳолат:
«L» гуруҳида эса Оле-Гуннар Сульшер бошқарувидаги «Манчестер Юнайтед» «Олд Траффорд»да Ниделандиянинг АЗ жамоаси билан баҳсга киришди.
Учрашув давомида «Қизил иблислар» вакиллари Эшли Янг (53), Мэйсон Гринвуд (58, 64) ва Хуан Мата (62, пенальти) бирин-кетин рақиб дарвозасига гол урди.
Шу тариқа «Юнайтед» ўз уйида АЗ жамоасини йирик 4:0 ҳисобида маълуб этди ва ўз ҳисобига 3 очкони ёздириб қўйди.
Қайд этиш жоиз, ушбу ғалабадан сўнг «манкунианлар» очколари сонини 13 тага етказиб олди. Жамоа гуруҳда биринчи ўринни эгаллаб, Европа Лигасининг плей-офф босқичини қўлга киритди. Ундан кейинги ўриндан жой олган АЗ 9 очко жамғарди. Нидерландияликлар ҳам мусобақанинг кейинги босқич йўлланмасини нақд қилди.
«L» гуруҳидаги ҳолат:
Европа Лигаси
6-тур баҳслари
12 декабрь, пайшанба
«А» гуруҳи
АПОЭЛ—«Севилья» 1:0
Гол: 1:0 — 61 Савич«Қорабоғ»—«Дюделанж» 1:1
Голлар: 0:1 — 63 Бугрин, 1:1 — 90 Гуйе«B» гуруҳи
«Копенгаген»—«Малмё» 0:1
Гол: 0:1 — 77, автогол Папаяннопулос«Динамо Киев»—«Лугано» 1:1
Голлар: 0:1 — 45 Араторе, 1:1 — 90 Циганков«C» гуруҳи
«Хетафе»—«Краснодар» 3:0
Голлар: 1:0 — 76 Кабрера, 2:0 — 78 Молина, 3:0 — 86 Кенеди«Базел»—«Трабзонспор» 2:0
Голлар: 1:0 — 21 Видмер, 2:0 — 72 Штокер«D» гуруҳи
ПСВ—«Русенборг» 1:1
Голлар: 0:1 — 22 Хелланн, 1:1 — 63 ИхаттаренЛАСК—«Спортинг» 3:0
Голлар: 1:0 — 23 Траунер, 2:0 — 38, пенальти Клаусс, 3:0 — 90 Рагуж«E» гуруҳи
«Ренн»—«Лацио» 2:0
Голлар: 1:0 — 30 Ньяньон , 2:0 — 87 НьяньонЧФР—«Селтик» 2:0
Голлар: 1:0 — 48 Буркэ, 2:0 — 70 Жокович«F» гуруҳи
«Стандард»—«Арсенал» 2:2
Голлар: 1:0 — 47 Бастьен, 2:0 — 69 Амалла, 2:1 — 78 Ляказетт, 2:2 — 81 Сака«Айнтрахт»—«Витория Гимараеш» 2:3
Голлар: 0:1 — 8 Рошинья, 1:1 — 31 да Кошта, 2:1 — 38 Камада, 2:2 — 85 Ал-Мусрати, 2:3 — 87 Эдвардс«G» гуруҳи
«Рейнжерс»—«Янг Бойз» 1:1
Голлар: 1:0 — 30 Морелос, 1:1 — 89, автогол Баришич«Порту»—«Фееноорд» 3:2
Голлар: 1:0 — 14 Диас, 2:0 — 15, автогол Маласиа, 2:1 — 19 Боттегин, 2:2 — 22 Ларссон, 3:2 — 33 Соарес«H» гуруҳи
«Эспаньол»—ЦСКА 0:1
Гол: 0:1 — 84 Влашич«Лудогорец»—«Ференцварош» 1:1
Голлар: 1:0 — 24 Лукоки, 1:1 — 90 Сигневич«I» гуруҳи
«Гент»—«Александрия» 2:1
Голлар: 1:0 — 7 Депуатр, 2:0 — 16 Депуатр, 2:1 — 54 Мирошниченко«Вольфсбург»—«Сент-Этьенн» 1:0
Гол: 1:0 — 52 Пауло Отавио«J» гуруҳи
«Боруссия М»—«Истанбул» 1:2
Голлар: 1:0 — 33 Тюрам, 1:1 — 44 Қаҳвачи, 1:2 — 90 Кривелли«Рома»—«Вольфсбергер» 2:2
Голлар: 1:0 — 7, пенальти Перотти, 1:1 — 10, автогол, Флоренци, 2:1 — 19 Жеко, 2:2 — 63 Вейсман«K» гуруҳи
«Вулверҳэмптон»—«Бешиктош» 4:0
Голлар: 1:0 — 57 Диогу Жота, 2:0 — 63 Диогу Жота, 2:0 — 67 Дендонкер, 4:0 — 68 Диогу Жота«Слован»—«Брага» 2:4
Голлар: 1:0 — 42 Шпорар, 1:1 — 44 Руй Фонте, 2:1 — 70 Моха, 2:2 — 72 Тринкау, 2:3 — 75, автогол Божиков, 2:4 — 90 Паулинью«L» гуруҳи
«Партизан»—«Остона» 4:1
Голлар: 1:0 — 4 Сума, 2:0 — 22 Умар, 3:0 — 26 Асано, 4:0 — 76 Умар, 4:1 — 79, автогол Павлович«Манчестер Юнайтед»—АЗ 4:0
Голлар: 1:0 — 53 Янг, 2:0 — 58 Гринвуд, 3:0 — 62, пенальти Мата, 4:0 — 64 ГринвудЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)