Тошкентнинг Мирзо Улуғбек туманидаги кўп қаватли уйларни таъмирлаш учун ажратилган кредит маблағлари талон-торож қилинди. Бу ҳақда «Дарё»га Бош прокуратура матмуот хизмати хабар берди.
Маълум бўлишича, 2017—2018 йилларда «Гулзор-Б.» номли хусусий уй-жойлар мулкдорлари ширкати (ХУЖМШ)га қарашли кўп қаватли уйларда таъмирлаш ишларига банкдан ажратилган 2,6 миллиард сўм кредит маблағлари «О.Б.», «М.У.» ва «К.Й.» МЧЖларга қурилиш-таъмирлаш ишлари учун ўтказилган.
Шундан 194,8 миллион сўмлик бажарилган ишлар бўйича ҳужжатлар «Гулзор-Б.» ХУЖМШга тақдим қилинган, қолган 2,4 миллиард сўмлик бажарилган ишлар учун тасдиқловчи ҳужжатлар эса йўқотилган.
Мазкур ҳолат юзасидан «Гулзор-Б.» ХУЖМШ ҳамда «О.Б.», «М.У.» ва «К.Й.» МЧЖлар мансабдор шахсларига нисбатан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.
Изоҳ (0)