Бухоронинг Пешку туманида «молиявий пирамида» ташкил этган шахсга жиноий иш қўзғатилди. Бу ҳақда «Дарё»га Бош прокуратура матбуот хизмати хабар берди.
Департаментнинг Пешку туман бўлими томонидан ўтказилган терговга қадар текширувда 23 ёшли Ш.З. мулкий манфаат бериш бўйича ўз зиммасига мажбурият олиш йўли билан фуқароларнинг пул маблағлари ва мол-мулкини жалб этишга доир ноқонуний фаолиятини амалга ошириб келгани аниқланган.
2019 йилнинг январь ойидан ноябрь ойига қадар 21 нафар фуқароларнинг 633 400 доллари ва 22,5 миллион сўм пулларини жалб этиб, уларнинг олдида олган мажбуриятларини янги жалб этилган пул маблағлари ҳисобидан қисман бажариб, фуқароларнинг 577 400 доллар ва 22,5 миллион сўмини қўлга киритган.
Шунингдек, фуқаро Ш.З. жиноий фаолияти давомида қўлга киритган маблағларининг асл хусусияти ва манбаини яшириш мақсадида 153,0 миллион сўмга Lada Vesta автомашинасини сотиб олиб, жиноий фаолиятдан олинган даромадини легаллаштирган.
Мазкур ҳолат юзасидан Ш.З.га нисбатан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.
Изоҳ (0)