«Ўзбекистон почтаси» қўзиқоринлар тасвирланган янги маркалар туркумини тақдим этди

Ахборот технологиялари ва коммуникацияларини ривожлантириш вазирлиги томонидан «Ўзбекистон флораси. Қўзиқоринлар» туркумли янги почта маркалари муомалага киритилди. Бу ҳақда «Ўзбекистон почтаси» АЖ матбуот хизмати хабар берди.

Почта маркаларида Ўзбекистоннинг яхши ва қулай табиий-иқлим шароитида ўсадиган қўзиқоринларнинг турлари тасвирланган. Туркум 4 та почта маркасидан иборат бўлиб, кичик варақ кўринишида чоп этилган. Қўзиқоринларнинг номлари лотин тилида берилган.

Почта маркалари бир неча рангда ишланган. Офсет усулида босилган. Перфорацияси тароқсимон. Қоғози оқ силлиқ. Почта маркаларнинг ўлчами 52х37 мм. Кичик варақнинг ўлчами 140х110 мм. Почта маркаларнинг адади 8 минг нусхадан. Рассом – С.Фармонов, дизайнер – У.Сулаймонов.

Идентификация рақамлари берилган ва номиналлар ўрнатилган:

• № 1406. Morchella esculenta номинали – 3200 сўм
• № 1407. Pleurotus ostreatus номинали – 3400 сўм
• №1408. Pleurotus eryngii номинали – 3500 сўм
• №1409. Lepista saeva номинали – 5800 сўм