Тошкент вилоятининг Чиноз туманида яшовчи фуқаро Ш.С.нинг уйидан 1987 йилда туғилган эркак Т.Ғ.нинг жасади топилди. Бу ҳақда ИИВ Тергов бошқармаси матбуот хизмати хабар берди.
Жасад топилган пайтда тананинг бош ва юз қисмларида жароҳатлар бўлган.
Ички ишлар органлари томонидан тезкор чора-тадбирлар кўрилди. Натижада ушбу жиноятни Янгийўл тумани «Эпкенди» маҳалласида рўйхатда турувчи, ҳозирда яшаш ва ишлаш жойининг тайини бўлмаган, 1960 йилда туғилган фуқаро Қ.С. рашк туфайли содир этгани аниқланди.
Мазкур ҳолат юзасидан жиноят иши қўзғатилган. Терговни прокуратура олиб бормоқда.
Изоҳ (0)