3—7 декабрь кунлари Қозоғистоннинг Олмаота шаҳрида Ўзбекистон—Қозоғистон қўшма демаркация комиссиясида Ўзбекистон ва Қозоғистон ҳукуматлари делегацияларининг навбатдаги йиғилиши бўлиб ўтди, деб хабар берди ТИВ матбуот хизмати.
Қайд этилишича, учрашувда Ўзбекистоннинг Навоий вилояти ва Қозоғистоннинг Қизилўрда вилояти ўртасидаги участкадаги давлат чегараси демаркацияси бўйича якуний ҳужжатлар лойиҳалари тайёрланди.
Учрашувда Ўзбекистон—Қозоғистон қўшма демаркация комиссияси томонидан 2019 йилда бажарилган ишлар сарҳисоб қилинди ва 2020 йилда давлатлараро чегарада бажарилиши режалаштирилаётган дала демаркация ишлари миқдори муҳокама қилинди.
Музокаралар анъанавий дўстлик ва ҳамжиҳатлик муҳитида ўтди, дейилади хабарда.
Изоҳ (0)