АҚШ Вакиллик палатасининг юридик қўмитаси импичмент жараёни доирасида президент Дональд Трампга қарши айбловни кўриб чиқиш учун бир ҳафталик муддатни белгилаши мумкин. Бу ҳақда қўмита раиси демократ Жерролд Надлер NBC телеканалига берган интервьюсида маълум қилди.
Надлернинг айтишича, бугун, 9 декабрь куни АҚШ Конгресси Вакиллик палатаси разведкасининг махсус қўмитаси томонидан Украина ҳукуматига босим ўтказиш бўйича эълон қилинган ҳисоботи юзасидан демократлар ва республикачиларнинг эшитуви бўлиб ўтади. Шунингдек, қўмита раисининг сўзларига кўра, Конгрессда импичмент эълон қилиниши бўйича асосий пунктлар ҳали ҳал этилмаган, демократлар эса бир қатор саволларга жавоб бериши керак. Шу билан бирга, конгрессмен импичмент — Дональд Трампни барча тўпланган далиллар бўйича жавоб беришга мажбур қиладиган ва 2020 йилги президентлик сайловларининг одилона ўтишини таъминлашнинг ягона йўли.
Эслатиб ўтамиз, АҚШда президентга импичмент эълон қилиш масаласида суриштирув ишлари бошланган. Можаро Дональд Трампнинг Украина президенти Владимир Зеленский билан телефон суҳбати чоғида Хантер Байден иши бўйича ҳамкасбига босим ўтказиши натижасида бошланганди.
Мавзуга доир:
Изоҳ (0)