Наманган шаҳрида 6-синф ўқувчиси «ВАЗ-2106» русумли автомобилни олиб қочди. Бу ҳақда «Postda.uz» хабар берди.
Маълум қилинишича, Наманган шаҳрида яшовчи Раҳимжон Ҳожиев «ВАЗ-2106» русумли автомобилини «Баркамол авлод» спорт мажмуаси биноси олдида қаровсиз қолдирган. Бироздан сўнг машина номаълум шахс томонидан олиб қочилган.
Олиб борилган қидирув ишлари натижасида машина шаҳардаги Уйчи кўчасидан техник соз ҳолда топилган.
Мазкур ҳолат юзасидан жиноят иши қўзғатилиб, ҳуқуқбузарни топиш чоралари кўрилди. Натижада ушбу жиноятни Наманган шаҳридаги 14-сонли мактабнинг 6-синф ўқувчиси Я.А. содир этгани аниқланди.
Ҳозирги пайтда ҳолат юзасидан тергов ишлари давом этмоқда.
Изоҳ (0)