Жанубий Африка Республикаси ҳукумати South African Airlines (SAA) авиакомпанияси ёпилишининг олдини олиш мақсадида банкротлик ҳолатида кредиторлардан ҳимоя қилишни бошлади, деб ёзмоқда «Коммерсантъ». Бу ЖАРда 1994 йилда апертеид сиёсатидан кейин давлат компаниясининг биринчи инқирози ҳисобланади.
SAA — Жанубий Африканинг энг улкан авиаташувчиси, компания дунёнинг 26 мамлакатига рейсларни амалга оширади. Бироқ сўнгги йилларда SAA халқаро бозорда Африка қитъасининг бошқа авиакомпанияларига ютқаза бошлади. Оқибатда компаниянинг даромади сезиларли даражада пастлади. Охирги икки йилда SAA бирорта ҳам молиявий ҳисоботни эълон қилмаган.
Вазиятни ўнглаш ва компаниянинг касодга учрашининг олдини олиш учун ҳукумат авиаташувчини кредиторлардан ҳимоя қилишни бошлади. SAA’нинг қутқарилиши учун жами 274 миллион АҚШ доллари миқдоридаги маблағ ажратилади.
Изоҳ (0)