Россиянинг Санкт-Петербург шаҳрида йўллар музлагани туфайли юз бераётган йўл-транспорт ҳодисалари сони ортмоқда, деб хабар берди «Fontanka.ru».
Қайд этилишича, 30 ноябрь ва 1 декабрь кунлари шаҳарда 688 та ЙТҲ қайд этилган. Улардан 26 тасида фуқаролар тан жароҳати олган. Жароҳат олганларнинг 30 нафари катталар, тўрт нафари ёш болалар.
Шаҳарнинг марказий туманида дам олиш кунлари бир нечта жиддий авариялар юз берган. Хусусан, 30 ноябрь куни соат 06:30 ларда Литейний шоҳ кўчасида KIA Rio автомобили йўл четида қолдирилган Ford Focus автомобилига бориб урилган.
ЙТҲ оқибатида KIA ҳайдовчиси 27 ёшли Ўзбекистон фуқароси ўрта оғир даражадаги тан жароҳати олган. Унинг йўловчиси Архангелскда яшовчи 27 ёшли фуқаро эса очиқ бош мия жароҳатини олган.
Изоҳ (0)