Ўзбекистонликлар голубикани ёқтириб қолди ва уни йил бўйи истеъмол қилмоқда, деб ёзади Spot East Fruit таҳлилчиларига асосланиб.
Ёзда Ўзбекистонда голубика етиштириш жозибадор ва даромадли бизнес турига айланиши мумкинлиги хабар қилинган эди.
Мамлакатда ишчи кучига камхаражат бўлгани маҳаллий голубикани рақобатбардош қилиши айтилган эди.
«Бироқ мамлакатда голубикага бўлган қизиқиш Европада терим мавсуми тугаганидан сўнг ҳам пасаймади. Бу мева Ўзбекистонда муваффақиятли инсонлар учун қандайдир маънода бойлик ва фаровонлик тимсолига айланиб улгурди. Ушбу мевага бўлган талаб ҳатто қишда ҳам камаймаётгани айнан мана шу қараш билан изоҳланади», дейди таҳлилчилар.
«Ҳозирда Ўзбекистонда голубиканинг чакана нархи 51 долларни ташкил этади. У жаҳонга машҳур Driscoll’s бренди остида сотилади ва АҚШдан Ўзбекистонга катта эҳтимол билан Нидерландиядан транзит орқали етказилади», — дейди БМТнинг озиқ-овқат ва қишлоқ хўжалиги ташкилоти инвестиция департаменти халқаро маслаҳатчиси Бахтиёр Абдувоҳидов.
Изоҳ (0)