Western Union, Contact ва «Близко» пул ўтказиш тизимлари Тожикистонга пул ўтказишни вақтинча тўтатди, деб хабар бермоқда «РБК» ушбу тизимлар Call-марказлари операторларига таяниб.
Unistream, MoneyGram ва «Золотая корона» пул ўтказмалари тизими ишлашда давом этмоқда, бироқ «Золотая корона» Тожикистонда пулларни олишда нозосликлар кузатилиши мумкинлигини таъкидлаган.
Western Union расмий вакилининг аниқлик киритишича, Тожикистонга пул ўтказиш хизмати вақтинча тўхтатилган. «Биз процессинг жараёнини Тожикистонда пул ўтказмалари хизматини тақдим этишни янги талабларга мос равишда ташкил қилиш бўйича ишларни якунлаяпмиз», — деган тизим вакили.
Contact ва «Близко» тизими вакиллари эса бунга ҳеч қандай изоҳ бермаган.
Meduza’нинг ёзишича, Тожикистон Россиядан пул ўтказмалари бўйича Ўзбекистондан кейин иккинчи ўринда туради. Россия Марказий банкининг маълумотларига кўра, 2018 йилда ҳисоб очмасдан ўтказилган пул ҳажми 2,55 миллиард долларни ташкил этган.
Изоҳ (0)