Ғарбий Африкадаги Буркина-Фасо давлатининг шарқий қисмида жойлашган черковга ибодат чоғи уюштирилган ҳужум оқибатида 14 киши отиб ўлдирилди. Бу ҳақда Reuters хабар бермоқда.
Қурбонлар орасида ўсмирлар ҳам бўлган. Жангариларнинг шахси ҳозирча аниқлангани йўқ.
Ҳужум Футури қишлоғида амалга оширилган. Ушбу қишлоқ жойлашган минтақа нотинч ҳисобланади ва тез-тез бундай ҳодисалар юз беради.
Маълумот учун, Буркина-Фасодаги Салмосси қишлоғида 11 октябрь куни масжидга ҳужум уюштирилган ва 16 киши ўлдирилганди.
Изоҳ (0)