Америкалик таниқли актёр ва экология фаоли Леонардо Ди Каприо Бразилия президенти Жаир Болсонарунинг Голливуд юлдузининг Амазония ўрмонларининг ёндирилишига алоқадор бўлган нодавлат ташкилотлар ҳисобига пул ўтказгани юзасидан айбловига жавоб қайтарди. Бу ҳақда «Известия» хабар берган.
«Амазонияда инқироз ҳукмронлик қилаётган вақтда Бразилиядаги барча одамларга ҳамдардлик билдираман ва ўз миллий маданий меросини ҳимоя қилаётганларга кўмак бераман… Барчаси алмаштириб бўлмас экотизимларнинг келажаги учун қилинмоқда, мен катта ифтихор билан уларни ҳимоя қилаётган инсонларни қўллаб-қувватлайман», — деб ёзган Instagram’даги аккаунтида Ди Каприо.
Мавзуга доир: Леонардо ди Каприо БМТ бош конференциясида нутқ сўзлаган 16 ёшли Грета Тунбергни мақтади
Леонардо Ди Каприо Амазония ўрмонларини қутқариш учун 5 миллион доллар миқдорида маблағ ажратишни ваъда қилган. Францияда ўтган саммитда катта еттилик етакчилари Амазония ўрмонларининг ёнишига қарши кураш учун 20 миллион долларлик махсус фонд таъсис этишни келишиб олган.
Бразилия президенти жорий йилнинг август ойида Амазония ўрмонларини 40 минг ёнғин қамраб олган вақтда ННТларни ўт қўйишларда, серхавотир Европани эса мустамлакачиликда айблаганди.
Изоҳ (0)