Буюк Британия бош вазири Борис Жонсон АҚШ президенти Дональд Трамп Бирлашган Қиролликга келаси ҳафтада қиладиган ташрифида у билан иложи борича камроқ мулоқот қилмоқчи. Бу ҳақда The Times хабар берган.
Нашрнинг ёзишича, ҳукмрон Консерватив партия ушбу йўл орқали Трампнинг мамлакатда 12 декабрда бўлиб ўтадиган сайловларга таъсирини камайтирмоқчи.
Британия бош вазири ва АҚШ президенти ташриф давомида икки марта учрашади, бироқ иккала учрашувда ҳам икки томонлама мулоқот кўзда тутилмаган.
Трамп Буюк Британияга 2 декабрда келади ва мамлакатни НАТО саммити (3 – 4 декабрь) якунига етганидан кейин тарк этади.
Консерватив партия Америка етакчисининг ташрифини энг катта муаммо деб атамоқда. Сабаби Трампнинг Лондонда нималар дейиши мумкинлигини олдиндан башорат қилиб бўлмайди.Аввал АҚШ президенти Жонсон ҳақида бир неча марта илиқ фикрлар айтган ва Буюк Британияга шундай бош вазир кераклигини таъкидлаганди. Сайловлар олдидан бу каби фикрлар бош вазирнинг кескин танқидга учрашига олиб келиши мумкин.
Жонсон 12 декабрда ўтадиган сайловлар воситасида Брексит бўйича вазиятни ўнглашга уринмоқда. Буюк Британия Европа иттифоқини 2019 йил 29 мартида тарк этиши лозим эди, аммо Палата депутатлари Брюссел ва бош вазир Тереза Мей билан келишилган ҳужжат лойиҳасини уч марта бекор қилди.Европа Иттифоқи Брекситни аввалига апрель ёки майга, кейинроқ 31 октябрга қолдирди. Мей эса истеъфога чиқишга мажбур бўлди. Жонсон Буюк Британиянинг Европа Иттифоқини 31 октябрда келишув ёки усиз тарк этишини билдириб, фикрида қатъий турди. Бироқ Парламент 19 октябрда қабул қилган қонун туфайли Европа кенгашига Брекситни 2020 йил 31 январгача кечиктириш юзасидан сўров юборди. Брексит кечиктирилди.
Изоҳ (0)