Хитой янги қитъалараро парвозни амалга ошира олувчи DF-41 (Дунфэн-41) оғир баллистик ракетасининг навбатдаги синовларини ўтказди. Бу ҳақда The Washington Times хабар берган.
Расман эълон қилинмаган старт 22 ноябрда ўтказилган ва 2018 йил май ойидан бери тест қилинмаган DF-41’нинг танаффусдан кейинги биринчи синови, дея нашрга маълумот берган Пентагоннинг исмини ошкор этмаган вакили.
Америка разведкаси ракетанинг 1 октябрда Пекиндаги парадда намойиш этилганидан кейин яна такомиллаштирилганлигини қайд этган. Хитойдаги тантанали тадбирда DF-41’нинг жами 16 та мобил комплекслари оммага намойиш қилинганди.
DF-41 ракетаси 12 та ядро қуролли зарядини 9500 миля (тахминан 15 минг километр) масофага етказа олади. Қурол АҚШ ҳудудига 30 дақиқада етиб келиши мумкин.
Мавзуга доир:
Изоҳ (0)