Албанияда юз берган зилзила оқибатида камида тўрт киши ҳалок бўлди, тахминан 150 киши жароҳат олди. Бу ҳақда Associated Press хабар берди.
26 ноябрга ўтар кечаси 6,4 магнитудали зилзила юз берган. Зилзила маркази Тирана ва Дуррес шаҳарлари ўртасида жойлашган.
Бир киши мамлакат пойтахти Тиранадан шимолда жойлашган Курбин шаҳрида ҳалок бўлган, иккинчиси эса Дуррес шаҳрида. Яна икки кишининг ҳалок бўлган жойи ҳақида хабар берилмаган.
Маълум бўлишича, ер силкиниши бир қанча бинонинг вайрон бўлишига олиб келган. Гувоҳларнинг сўзларига кўра, ерости силкинишлари бутун Албания қирғоқлари бўйлаб сезилган. Айни пайтда қидирув-қутқарув ишлари олиб борилмоқда.
Изоҳ (0)