Бугун, 23 ноябрь куни Ўзбекистонда хизмат кўрсатган журналист Маҳмуд Саъдий 80 ёшида вафот этди, деб хабар бермоқда ЎзА.
Маҳмуд Саъдий 1939 йил Самарқанд вилоятининг Нарпай туманида туғилган. Мактабни тамомлаганидан кейин ҳозирги Ўзбекистон Миллий университети филология факультетининг журналистика бўлимида ўқиган.
«Шарқ юлдузи» журналида адабий ходим, бўлим мудири, «Гулистон» журналида катта адабий ходим, бўлим мудири, «Ўзбекистон адабиёти ва санъати» газетасида бўлим мудири, «Маърифат» газетасида махсус мухбир, шарҳловчи, бўлим муҳаррири вазифаларида ишлаган. Сўнгги вақтларда «Маърифат» газетасида ишлаш билан бирга Жаҳон тиллари университетида ёшларга дарс берган.
Маҳмуд Саъдий Ўзбекистон давлат жаҳон тиллари университети халқаро журналистика факультети талабалари учун «Таҳрир санъати» ўқув дастурини яратган.
«Ўзбекистон Республикасида хизмат кўрсатган журналист» унвони ҳамда «Ўзбекистон Республикаси мустақиллигига 15 йил» кўкрак нишони билан мукофотланган. 2019 йилда эса «Фидокорона хизматлари учун» ордени билан тақдирланган.
Изоҳ (0)