ДХХ Чегара қўшинлари ҳарбий хизматчилари Ўзбекистон ҳудудига психотроп моддалар ва пиротехника воситаларининг олиб кирилишига бўлган уринишларни тўхтатиб қолди. Бу ҳақда Чегара қўшинлари матбуот хизмати хабар берди.
Хусусан, «Сариосиё автойўл» ўтказиш пунктида олиб борилган текширувлар натижасида Беларусь Республикаси фуқароси М.С. бошқарувидаги Volvo маркали автомобилда умумий оғирлиги 250 грамм бўлган 5 000 дона «Трамадол» таблеткалари борлиги маълум бўлган.
«Келес» темирйўл ўтказиш пунктида ўтказилган текширувлар натижасида эса «Самара—Тошкент» қатнови билан Россиядан қайтган Ўзбекистон фуқароси Ж.Т. умумий қиймати 3 миллион сўмга тенг бўлган 16 дона пиротехника воситаларини яшириб олиб ўтишга уринганлиги аниқланган.
Изоҳ (0)