Фарғона вилоят Қува туман ИИБ ходимлари томонидан 12 ноябрь куни соат 12:45 атрофида ўтказилган тезкор тадбирда 34 ёшли муқаддам судланган К.М. хонадонида қонунга хилоф равишда гиёҳвандлик воситаси сақлаб келаётганлиги аниқланган. Бу ҳақда ИИВ Тергов департаменти маълум қилди.
Ҳодиса жойини кўздан кечириш жараёнида уйнинг ётоқхонасидаги газ печи ёнида полиэтилен пакетга солинган яшил рангли, ўткир ҳидли ўсимликсимон модда борлиги аниқланиб, тегишли тартибда холислар иштирокида расмийлаштириб олинган.
Суд-кимёвий экспертиза хулосасида полиэтилен пакетга ўралган ҳолда К.М.нинг уйидан топилган модда 1,100 грамм оғирликдаги «марихуана» гиёҳвандлик воситаси эканлиги аниқланган.
Ҳолат юзасидан Қува тумани ИИБ ҳузуридаги тергов бўлими томонидан К.М.га нисбатан Жиноят кодексининг 276-моддаси 2-қисми «а» банди (ўтказиш мақсадини кўзламай қонунга хилоф равишда гиёҳвандлик воситаларини кўп миқдорда тайёрлаш, эгаллаш сақлаш ва бошқа ҳаракатлар) билан жиноят иши қўзғатилган ва гумон қилинувчи тариқасида ишда иштирок этишга жалб қилинган.
Изоҳ (0)