Ишсизлик муаммоси Ўзбекистон ёшларини қийнаётган энг катта муаммодир. Бу ҳақда Ёшлар иттифоқи марказий кенгаши ижро аппарати раҳбари Музаффар Акромов маълум қилди.
Ишсизлик муаммоси Ўзбекистон ёшларини қийнаётган энг катта муаммодир. Ўзбекистонда тахминан 700 000 ёш ишсиз ҳисобланади. Бу умумий Ўзбекистон ёшларининг 14, 9 фоизини ташкил этади», — деган Музаффар Акромов Халқаро пресс-клубнинг навбатдаги «Пресс-қаҳва» лойиҳасида.
Унинг сўзларига кўра, ёшларга оид сиёсат билан фақат Ёшлар иттифоқи ишламайди. Ҳамма бирлашиб, бир ёқадан бош чиқарган ҳолда ёшларни қўллаб-қувватлаши лозим.
Шунингдек, Музаффар Акромовнинг таъкидлашича, 2019 йилда Ёшлар иттифоқига 200 миллиард маблағ ажратилган. Уларнинг 100 миллиарди ёшлар уйларини қуришга йўналтирилган. Қолган маблағнинг катта миқдори Ёшлар иттифоқининг тадбирларини ташкиллаштиришга йўналтирилмоқда.
Аввалроқ Олий Мажлис Қонунчилик палатасининг Меҳнат ва ижтимоий масалалар қўмитаси томонидан иккинчи ўқишга тайёрланаётган янги таҳрирдаги «Аҳолини иш билан таъминлаш тўғрисида»ги қонун лойиҳаси юзасидан фракциялараро мунозара ўтказилганди. Қонун лойиҳасида ишсизларни кучли ижтимоий ҳимоя қилишнинг муҳим тадбирлари, хусусан, ишсизлик нафақаси миқдорини, аҳоли бандлигини фаоллаштириш ва унинг самарасини оширишни давлат томонидан молиялаштиришни кескин кўпайтириш назарда тутилган.Бандлик ва меҳнат муносабатлари вазири ўринбосари Эркин Муҳиддинов Ўзбекистонда ишсизлик нафақаси 2 баробарга кўпайиб, 2020 йилда 644 минг сўмга тенг бўлишини айтганди.
Изоҳ (0)