Ижтимоий тармоқлар XIX асрга оид суратда БМТда ҳаяжонли нутқ сўзлаб катта шов-шув кўтарган 16 ёшли швециялик мактаб ўқувчиси Грета Тунбергга ўхшаш қизнинг борлиги экология фаолининг янада машҳур бўлишига ҳисса қўшди. Бу ҳақда «Известия» хабар берди.
АҚШдаги Вашингтон университетида сақланаётган сурат 1898 йилда Канадада олинган. Фотосуратда олтин излаш ишлари билан шуғулланаётган учта болакай тасвирланган.
Фотонинг олд планидаги қизалоқнинг кўриниши Грета Тунбергга ўхшаб кетади, шу сабабли ҳам ижтимоий тармоқларда мавзуга оид кўплаб ҳазиллар тарқалди.
Фойдаланувчилар томонидан сурат остидаги изоҳларда экология фаолининг замонлар оша саёҳат қилувчи қиз экани ва дунёни келажакда кутаётган табиат фожиаларидан огоҳлантираётгани ҳақида ҳазил гаплар ёзилган.
Аввал Голливуд актёри Леонардо ди Каприонинг Грета Тунбергни «замонамиз етакчиси» дея таърифлагани, шунингдек, Сан-Францискодаги биноларнинг бирига швециялик 16 ёшли қизнинг улкан портрети чизилгани ҳақида хабарлар берилганди. Грета Тунберг самолётдаги парвози атроф-муҳитга зарар келтириши мумкинлигини инобатга олиб, Мадридда ўтадиган иқлим ўзгаришларига бағишланган БМТнинг навбатдаги саммитига АҚШдан катамаранда йўлга чиққан.
Изоҳ (0)