Қозоғистон ташқи ишлар вазири Мухтор Тиловберди Суриядаги вазиятни тартибга солишга қаратилган «Остона форматидаги» музокаралар 2019 йил декабрь ойи бошида ўтказилишини маълум қилди. Бу ҳақда «ТАСС» хабар берди.
«Учрашувлар декабрь бошида ўтказилиши мумкин. Томонлар музокараларни декабрда ўтказиш ниятида. Қозоғистон бу борада расмий мурожаатни кутмоқда», — дея таъкидлаган Қозоғистон ташқи ишлар вазири Мухтор Тиловберди.
Суриядаги вазият муҳокамасига бағишланган 13-халқаро учрашув 1–2 августда Қозоғистон пойтахти Нур-Султон шаҳрида ўтказилган. Музокараларда кафил давлатлар (Эрон, Россия ва Туркия), Сурия ҳукумати ва Сурия қуролланган мухолифати вакиллари иштирок этган. БМТ, Иордания, Ливан ва Ироқдан келганлар илк бор Остона форматидаги музокаралар жараёнида кузатувчи мақомида иштирок этган.
Мавзуга доир:
Изоҳ (0)