Ўзбекистон Республикаси давлат байроғи қабул қилинган кун муносабати билан Бухоро Ёшлар маркази биноси Ёшлар иттифоқи вилоят кенгаши томонидан эни 55 метр, баландлиги 12 метрга тенг бўлган Ўзбекистон байроғи билан ўралди. Бу ҳақда «Дарё» мухбири хабар берди.
Арк қўрғонидан Фавворалар майдонигача бўлган 11 километр масофани босиб ўтган ёшлар ва аҳолидан иборат кўнгиллилар, шунингдек, ҳарбий оркестрлар, миллий гвардия отлиқлари, бадиий жамоалар ва эстрада хонандалари Бухоро Ёшлар маркази биноси олдида тўпланди.
Марш давомида картинг ва мотоцикллар намойиши ташкил этилди. Майдон 50 мингдан ортиқ одамлар билан гавжум бўлди. Тантана ижодий жамоаларнинг чиқишлари билан тўпланганларга кўтаринки кайфият улашди.
Ушбу майдон тунда байроқ тимсолида турли ранглардаги ёритиш чироқлари билан жилоланади. Тадбир Ўзбекистон Республикаси Давлат байроғи қабул қилинганининг 28 йиллиги муносабати билан ташкил этилди.
Изоҳ (0)